اصول الحديث
உசூலுல் ஹதீத்
ஹதீஸ் கலை சட்டங்களில் ஒரு விதி தான் ஷாத் எனப்படும்
இந்த ஷாத் என்றால் என்ன என்பதை தான் விரிவாக நாம் பார்க்க இருக்கிறோம்
இதை ஏன் நாம் அறிந்துக்கொள்ள வேண்டும் என்றால்
சஹிஹான ஹதீஸ்கள் அதாவது ஐந்து விதிக்கு உட்பட்டு அந்த ஹதீஸ் சஹீஹ் என்ற தரத்தை அடைந்து விட்டால் அது சரியான செய்தி என்பது மட்டும் தான் ஹதீஸ் கலை விதி
ஸஹீஹ் லிதாதிஹி:
1. அறிவிப்பாளர் தொடர்
2. அறிவிப்பாளரின் நேர்மை
3. அறிவிப்பாளரின் நினைவாற்றல்
4. ஷாத் இல்லாமை
5. இல்லத்(மறைமுக குறைபாடு) இல்லாமை
இது தான் ஒரு ஹதீஸ் சஹியான ஹதிஸ் என்ற தகுதியை அடைய ஏற்படுத்தப்பட்ட விதியாகும்
ஆனால் இந்த ஐந்து நிபந்தனைக்கு உட்பட்டு ஒரு ஹதீஸ் இருந்தாலும் அது குர்ஆனுக்கு முறன்பட்டால் அது சஹியான செய்தி கிடையாது அது இட்டுக்கட்டப்பட்டது என்பது புதிதாக உருவாக்கப்பட்ட புதிய கொள்கையாகும்
முஹ்தசீலாக்களும் இந்த கொள்கையில் இருந்தார்கள் என்பதும் உன்மை
முஹ்தசீலாக்கள் போன்ற வழிகெட்ட கொள்கையினரே இந்த அடிப்படையை கையில் எடுத்தார்கள்
ஆறாவதாக உருவாக்கப்பட்ட இந்த விதியை நியாயப்படுத்த இவர்கள் தங்களுக்கு சாதகமாக வலைத்த ஒரு விதி தான் 4 வதாக நாம் மேலே குறிப்பிட்ட ஒரு விதியாகும்
அதாவது ஒரு அறிவிப்பாளருக்கு முறனாக அவரை விட தரம் குறைந்த ஒரு அறிவிப்பாளர் முறனாக அறிவிக்க கூடாது அப்படி ஒரு அறிவிப்பாளர் அவரை விட தரம் உயர்ந்த அறிவிப்பாளருக்கு மாற்றமாக அறிவித்தால் அந்த செய்தியை நாம் ஏற்றுக்கொள்ள தேவையில்லை என்பது தான் ஷாத் ஆகும்
இந்த விதியை இவர்கள் கையில் எடுத்துக்கொண்டு தான் ஹதீஸோடு ஹதீஸ் முறன்பட்டாலே ஏற்றுக்கொள்ள கூடாது என்றால் குர்ஆனோடு ஹதீஸ் முறன்பட்டால் ஏற்றுக்கொள்ள கூடாது என்கிறோம் என்று சொல்லுகிறார்கள்
பாமர மக்கள் மத்தியில் முறன்பட்டால் மறுக்க வேண்டும் என்கிற இந்த ஷாத் விதியில் இவர்கள் எதை மறைத்து பிரச்சாரம் செய்கிறார்கள் என்பதை விரிவாக பார்க்கலாம்
ஷாத் என்றால் எதற்க்காக இமாம்கள் இந்த சட்டத்தை உருவாக்கினார்கள் என்றால்
ஒரே சம்பவத்தை பல அறிவிப்புகளில் அறிவிக்கும் போது
அந்த அறிவிப்பில் வரும் சம்பவம் ஒரே சம்பவமாக இருக்கும் ஆனால் அந்த அறிவிப்பிகளில் ஒரு அறிவிப்பாளர் மட்டும் சில விடயத்தை மாற்றமாக அதாவது உதாரணத்திற்க்கு 3 அறிவிப்பில் அந்த மூன்று அறிவிப்பாளர்களும் ஒரே விடயத்தை சொல்லி ஒருவர் மட்டும் மாற்றமாக அறிவிக்கும் போது என்ன முடிவு செய்வது என்ற விடயத்தை கருத்தில் கொண்டு எடுக்கப்பட்ட ஒன்று தான் ஷாத் எனப்படும்
எப்படி மாற்றமாக அறிவிக்கப்படும் என்றால்
உதாரணத்திற்க்கு ஒரு ஹதீஸை உங்களுக்கு ஆதாரமாக முன்வைக்கிறேன்
இறைத்தூதர் (ஸல்) அவர்கள் கூறினார்கள்:
அபசகுணம் எதிலாவது இருக்குமானால் பெண்ணிலும் குதிரையிலும், வீட்டிலும் தான் இருக்கும்.
[அறிவிப்பவர்: ஸஹ்ல் இப்னு ஸஅத் அஸ் ஸாஇதீ (ரலி), நூல்: ஸஹீஹுல் புகாரி 2859]
ஸஹ்ல் இப்னு ஸஅத் (ரழி) வழியாக – புகாரி 2859
ஜாபிர் (ரழி) வழியாக – முஸ்லிம் 4483
ஸஅத் இப்னு மாலிக் (ரழி) வழியாக – திர்மிதி 3420
இந்த ஹதீஸில் அபசகுனம் என்கிற ஒன்று இருந்திருந்தால் இந்த மூன்றில் இருந்திருக்கும் என்று வருகிறது
இதற்க்கு மாற்றமாக இன்னொரு அறிவிப்பை பார்க்கலாம்
இறைத்தூதர் (ஸல்) அவர்கள் கூறினார்கள்:
தொற்று நோய் கிடையாது; பறவை சகுனமும் கிடையாது. அபசகுனம் (இருக்க வேண்டுமென்றால்) மனைவி, வீடு, வாகனம் ஆகிய மூன்றில்தான் இருக்கும்.
[அறிவிப்பவர்: இப்னு உமர் (ரலி), நூல்: ஸஹீஹுல் புகாரி 5753]
இந்த இரண்டும் ஒரே கருத்தை சொல்ல கூடிய ஹதீஸ் தான்
வேறு வேறு கருத்தை சொல்லக்கூடிய ஹதீஸ் அல்ல
ஆனால் இதில் சின்ன கோளாரு நடந்து விட்டது
அது என்ன கோளாறு என்றால் புகாரி 5753 ஹதீஸில் இடம்பெரும் ஸுஹ்ரி என்பவர் இந்த ஹதீஸை தவறாக புரிந்து கொண்டு அறிவித்தது தான் இங்கே பிரச்சனை
ஆனால் இரண்டு ஹதீஸும் பேசும் கருத்து ஒரே கருத்து தான் ஒரே சம்பவத்தை தான்
ஸுஹ்ரி என்பவர் மனைவி , வீடு , வாகணம் இதில் தான் அபசகுனம் இருக்கும் என்று புரிந்துக்கொண்டார் ஆனால் அதனுடைய உன்மையான விளக்கம் அப்படி ஒன்று இருந்தால் இதில் தான் இருந்திக்க வேண்டும் என்பதை இதில் தான் இருக்கும் என்று தவறாக புரிந்துக்கொண்டது தான் இங்கே பிரச்சனை
ஒரு சம்பவம் நடந்ததா இல்லையா என்பதை மறுக்கும் சட்டம் இல்லை ஷாத் அந்த சம்பவம் எப்படி நடந்தது என்பதில் ஒரு தெளிவான முடிவு எடுப்பது தான் ஷாத் ஆகும்
இந்த சட்டத்தை தான் இவர்கள் எடுத்துக்கொண்டு
குர்ஆனுக்கு முறன் அதனால் மறுக்கிறோம் என்கிறார்கள்
இவர்கள் மறுக்கும் ஒரு ஹதீஸ் கூட இந்த ஷாத் என்கிற விதியின் அடிப்படையில் மறுக்கப்பட்ட ஹதீஸ் அல்ல
1.அறிவுக்கு முறன்
2.நடைமுறைக்கு சாத்தியம் இல்லை
3.அறிவியலுக்கு முறன்
4.வேறு ஒரு சம்பவத்தை குர்ஆனில் எடுத்து அதனோடு ஹதீஸை மோதவிட்டு முறன் கற்பித்து மறுப்பது
இந்த அடிப்படையில் தான் இவர்கள் ஹதீஸ்களை மறுக்கிறார்களே தவிர
ஷாத் என்கிற ஒரு விதியின் அடிப்படையில் இவர்கள் எந்த ஹதீஸையும் மறுக்கவில்லை என்பதை புரிந்துக்கொள்ளுங்கள்
ஷாத் என்றால் ஹதீஸோடு ஹதீஸ் முறன்பட்டால் மறுக்கனும் என்கிற பொதுப்படையான பதிலை மட்டும் உங்களுக்கு கொடுத்து ஷாத் என்கிற சட்டத்தை உங்களுக்கு தவறாக போதித்து இருக்கிறார்கள்
ஷாத் என்றால் ஹதீஸோடு ஹதீஸ் மோதுவது அல்ல ஒரு அறிவிப்புக்கு மாற்றமாக மற்றொரு அறிவிப்பாளர் அறிவித்தால் அதில் சரியான செய்தியை எடுப்பது
அறிவிக்ககூடிய சம்பவம் ஒரே சம்பவமக இருக்க வேண்டும்
அப்படி இருந்தால் தான் அது ஷாத் என்கிற விதியில் அடங்கும்
இமாம்கள் குர்ஆனுக்கு முறன் என்றால் மறுத்தார்கள்
சஹாபாக்கள் குர்ஆனுக்கு முறன் என்றால் மறுத்தார்கள்
ஷாத் என்றால் இது தான் என்று பல விடயங்கள் நமக்கு தவறாக போதித்த காரணம் பல ஹதீஸ்கள் தவறாக விளக்கம் கொடுக்கப்பட்டு ஆபாசமாக சித்தரிக்கப்பட்டு மறுத்து வருகிறார்கள்
தெளிவை நோக்கிய பயணம்
அடிப்படை அறிந்துக்கொள்வோம்
*******
